WindHopPer 3:28
Posted by maxterspade12ph at 09:49 AM on November 14, 2008.
Galing sila sa dakong mandaluyong, patawid ng kalentong papuntang Sta. Ana nang sinabihan ng nagmamaneho ang kanyang kasama. "Buksan mo na lang ang bintana. Tinotopak kasi ang aircon, ayaw umandar. Kahapon pa to e. Isa pa, malakas kain sa gasolina kapag naka aircon."
Sumunod naman ang kaisa-isang pasahero. Manual niyang ibinaba ang bintana ng Toyota RevO na kanilang sinasakyan. Mga higit sa limang taon na rin nilang pinakikinabangan ito.
"Ma, saan tayo sa Christmas?" tanong ng pasahero; na ngayo'y kitang kita na ang kanyang simpleng mukha ng mga tao sa kalsada habang bumabiyahe ang kanilang sasakyan. "Kagaya nung last year." sagot naman ng kanyang mama.
Kahit na mukhang magkapatid lang sila, ang totoo'y mag-ina sila. May kapatid din naman 'tong pasahero; pero sa ngayon, siya lang ang nakasakay sa kanilang maluwang na sasakyan.
"Hindi ba tayo bibisita sa mga lola? Matagal-tagal na rin natin sila hindi nakikita. Kelan na nga ba yung last time?" Napahinto ang kanilang sasakyan sa pagtawid ng isang tricycle na galing sa Hulo. Sabay naman ng cut ng pampasaherong jeep na galing sa terminal nito papuntang Taft. Puno ang jeep at may sumasabit pa.
"Magno Noche Buena tayo kasama ng mga bata. Kakain ng spaghetti, iinom ng wine, ganun."
Umiinit ang araw, patuloy ang pagtakbo ng mga sasakyan. May mga nagmamadali, may mga nahuhuli at meron din mga hiindi kumikilos. Pilit mang mag overtake ng mga jeep sa kanila, wala pa rin makauna kasi kabisado nila ang kalsada. Alam ng nagd-drive kung san liliko at kung saan mabilis ang takbo ng mga sasakyan.
"O pano, susunduin ba kita mamaya o may lakad pa kayo? Friday ngayon, pwede kang gumimik pagkatapos mo." nang makita nila ang Philippine Racing Club. "Hindi na ma, sunduin mo na lang ako agad." sagot naman ng pasahero pagkalampas dito.
At kumaliwa na sila sa kanto ng Kalayaan at Pasong Tamo.
makialam ka!